Elhuyarrek parte hartuko du aurten ere UEUren Udako Ikastaroetan.

Batetik, «Zentziaren dibulgazioa: aukerak, baliabideak eta erronkak» ikastaroan, hizlarien artean izango dira Elhuyarreko Zientzia unitateko bi lankide: Ana Galarraga Aiestaran, eta Guillermo Roa Zubia.

Bestetik, ekainaren 22an, «Teknologia itzultzailearen lagun. Noiz eta nola?» jardunaldiaren amaieran, «Teknologiaren ekarpena gure enpresetan» izenburuko mahai-inguruan esku hartuko du Elhuyarreko Hizkuntza eta Teknologia unitatearen arduradun Josu Aztiria Urtaranek.

Igor Leturia Azkarate informatika-ingeniariak «HTML aurkezpenak egiten Reveal.js plataformarekin» ikastaroa emango du ekainaren 27tik 28ra

Azkenik, ekainaren 30ean, «Kudeatzaileen II. Bilkura: Software Librea biblioteka eta artxiboetan» izango da, eta Iñaki San Vicente Roncal Elhuyarreko informatika-ingeniaria izango da hizlarien artean.

Ekainaren 19ra arte eman daiteke izena, UEUren webgunean sartuta.