• Gaia: "Zientzia Azoka 2018", ikertzaile gazteen topaketaren aurkezpena
• Tokia: Bilboko Udaletxeko Prentsa-aretoa
• Data: asteartea, apirilak 17, 11:30etan

Elhuyarrek antolatutako Zientzia Azoka 12-18 urteko ikasleek urtean zehar egindako proiektu zientifikoak erakusteko azoka da.  Helburua, berriz, gazteen artean zientziarako zaletasuna suspertzea eta kultura zientifikoa bultzatzea eta zabaltzea da. Ikasleek ikasturtean zehar egindako proiektu zientifiko eta teknologikoak aurkeztuko dituzte jendaurrean zapatuan, apirilaren 21ean.

Amaia Esquisabel Alegría Eusko Jaurlaritzako Hezkuntza Saileko Ikerketaren zuzendariak, Koldo Narbaiza Olaskoaga Bilboko Udaleko Euskara eta Hezkuntza Saileko zinegotziak, eta Leire Cancio Orueta Elhuyarreko zuzendari nagusiak apirilaren 21ean (zapatua) Bilboko Plaza Barrian egingo den Zientzia Azoka 2018 feria zientifikoa aurkeztuko dute.

Prentsaurrekoan izango dira, halaber, Zientzia Azokaren babesle eta kolaboratzaileak, eta iazko azokan parte hartu eta saria izan zuen Sodupeko Maitane Alonso Monasterio gazteak, bere esperientzia eta bizipenak azaltzeko. Iazko sariaz gain, Bartzelonako Exporecerca Jove azokako saria ere jaso zuen joan den martxoan.

Harremanetarako:
Elhuyar 
Lurdes Ansa Maiz · l.maiz@elhuyar.eus · tel.: 943 36 30 40