Prentsa-deialdia

Bilbo, 2015eko apirilak 20

GAIA: 2015eko Zientzia Azokaren aurkezpena

EGUNA: apirilak 21, asteartea

ORDUA: 11:00etatik 11:30era

TOKIA: Bilboko udaletxeko prentsa-aretoa

PARTE-HARTZAILEAK:

- Begoña Garamendi Ibarra, Eusko Jaurlaritzako Hezkuntza, Hizkuntza Politika eta Kultura Saileko Hezkuntza Berriztatzeko zuzendaria

- Jone Unzueta Crespo, Bilboko Udaleko Partaidetza eta Barrutiak Saileko zinegotzi ordezkaria eta Hezkuntzako alboko zinegotzi ordezkaria 

- Leire Cancio Orueta, Elhuyarreko zuzendari nagusia

- Beñat Insunza Lauzirika, 2014ko Zientzia Azokan saritutako ikertzaile gaztea

Eusko Jaurlaritzako Hezkuntza, Hizkuntza Politika eta Kultura Sailak, Bilboko Udalak, Euskal Zientzia eta Teknologia sareko eragile nagusiek, Bizkaiko Foru Aldundiak eta Elhuyarrek atsegin handiz gonbidatzen dituzte herritar guztiak apirilaren 25ean Bilboko Plaza Barrian egingo den Zientzia Azokara.

Gazteek egindako proiektu zientifikoen erakusketa bat da Zientzia Azoka, eta Elhuyarrek antolatzen du. Hona ekimenaren helburuak: gazteen artean zientzia-zaletasuna bultzatzea, kultura zientifikoa sustatzea eta zientziaren dibulgazioa. Azokan aurkezten diren proiektu teknologikoak eta ikerketak, berriz, ikasturtean zehar egiten dituzte ikasleek (12 eta 18 urte bitartekoak), gero jendaurrean aurkezteko.

Euskal Zientzia eta Teknologia Sareko erakunde esanguratsuenetako ikertzaile profesionalen laguntza proiektuen egileek; besteak beste, UPV/EHU, Nafarroako Unibertsitate Publikoa, Deustotech eta Mondragon Unibertsitatearena, TECNALIA eta IK4 korporazio teknologikoena eta BTEK zentroarena.

Elhuyarreko Zientzia Unitateak antolatzen du Zientzia Azoka, eta erakunde hauek finantzatzen dute: Bilboko Udalak, Eusko Jaurlaritzako Hezkuntza, Hizkuntza Politika eta Kultura Sailak, Bizkaiko Foru Aldundiak eta FECYT erakundeak (Zientzia eta Teknologiarako Espainiako Fundazioa).