Abenduaren 16an Elhuyar Fundazioko patronatuak bilera egin du 2016ko aurrekontua onartzeko. Bileran, hortaz gain, 2015eko proiektu esanguratsuenen errepasoa egin eta CAF-Elhuyar sarien merezimendua saria erabaki da. Patrono hauek izan dira bileran: bazkide sortzaileen multzotik Xanti Goñi, Jose Mari Rodriguez Ibabe, Josu Waliño eta Eustakio Arrojeria; norbanako bazkideen multzotik Jabi Duoandikoetxea, Imanol Telleria eta Rafa Bañales; ohorezko bazkideen multzotik Arantza Diaz de Ilarraza eta Txema Pitarke (lehendakaria); enpresen multzotik Cristina Alberdi (Tecnalia); eta erakundeen ordezkari Javier Alonso (Eusko Jaurlaritzako Hezkuntza, Hizkuntza Politika eta Kultura saileko Unibertsitate zuzendaria), Mikel Irizar (Gipuzkoako Foru Aldundiko Hizkuntza Berdintasuneko zuzendaria) eta Xabier Arregi (Usurbilgo alkatea). Idazkari Alfontso Mujika izan dugu.